सोमवार, १८ जुलै, २०११

पिंपरी तलाव - ताम्हिणी घाट


देवाने पृथ्वीवर काही ठिकाणी स्वर्ग निर्माण करून ठेवला आहे त्यापैकीच एक ताम्हिणी .
ताम्हिणी घाटात कितीही वेळा गेले तर मनच भरत नाही.
ताम्हिणी घाटात  कुठल्याही ऋतूमध्ये जा त्याची सुंदरता जराही कमी होत नाही.
पण हो पावसाळ्यात ताम्हीणीचे सौंदर्य जरा नाही फारच जास्त खुलते.
ताम्हिणी घाट परिसरात अजून एक सुंदर ठिकाण आहे - पिंपरी व्ह्याली आणि पिंपरी तलाव .



जरा कमी गर्दीचे आणि सुंदर असे ठिकाण. लहान मोठे  धबधबे, भरपूर झाडी , धुक्यात हरवलेले डोंगर अन रस्ते . आणि गडबड गोंधळ नसलेला शांत परिसर. अतिशय सुंदर .



स्वर्गाचे प्रवेशद्वार

ताम्हिणी गाव ओलांडले की ३-४ किमी वर उजव्या हाताला लोणावळा फाटा लागतो.
फाट्यावरून उजवीकडे वळला की धुक्यात हरवत चाललेला एक लहानसा डांबरी रस्ता तुमची स्वागत करतो. नंतर हाच रस्ता धुक्याबरोबर झाडीतही वळणे घेत हरवत जातो. हा रस्ता किती सुंदर आहे म्हणून सांगू , स्वर्गाचे प्रवेशद्वार म्हटल्यावर त्याने सुंदर असायलाच हवे, नाही का ?







रस्त्यावर मधेच दिसतो एखादा गुराखी धुक्यातून वाट काढत चाललेला. तो आमच्या सारख्या हौशी छायाचित्रकारांसाठी अल्बममधे जपता येईल असा एक सुंदर फोटो देऊन जातो.











फाट्यापासून  फक्त २ किमी आहे पिंपरी. पिंपरीच्या अगोदरच रस्त्यात डाव्या हाताला लागेल एक सुंदर दरी. ह्या दरीतून कोकणातून घाटावर येणारे ढग वर येतात. अतिशय सुंदर नजरा असतो - जिकडे लक्ष जाईल तिकडे हिरवाईने नटलेले डोंगर, डोंगराभोवती घुटमळणारे ढग आणि डोंगरांच्या अंगा-खांद्यावरून कोसळणारे धबधबे.








कितीही फोटो काढा मन भरणारच नाही ...
मधेच येणारा जोरदार पाउस अगदी चिंब करून जातो - शरीर आणि मनही. गेली ५-६ वर्षे इकडे येतोय. येताना ठरवतो की जास्त वेळ इथे थांबायचे नाही पण इथे आले की पायच निघत नाही. दहा- बारा सुंदर फोटो घेऊ आणि परत निघू असे काहीतरी ठरवलेले असते पण त्या दहा-बारा फोटोंचे शंभर फोटो कधी होतात ते पण कळत नाही.

  





इथून निघून जरा पुढे गेला की लागतो एक सुंदर तलाव. लहान आहे तलाव त्यामुळे लगेच भरतो आणि त्याच्या भिंतीवरून पाणी खाली वाहायला लागते. फार सुंदर नजरा असतो. इथे भुट्टा,भेळ,भजी असलं  काहीही मिळत नाही. एकदम स्वच्छ आणि सुंदर परिसर.




   हे झाड तर कुठलाही ऋतू असुद्या कधीच बहरत नाही, मला तरी कधी तसे दिसले नाही.
पावसाळ्यात पण हा सजत नाही की काय ? कदाचित बिचाऱ्याचे सजणेच आपल्याला समजत नसावे...
  








 काही छायाचित्रे:
 खळखळणाऱ्या पाण्याचा आवाज ऐकत इथे मी तासन-तास बसून राहू शकतो.
 

हाच तो तलाव आहे की नाही सुंदर !!!  
भिरा


उपयुक्त माहिती:

रस्ते:
*  पुणे-पौड-मुळशी-ताम्हिणी-पिंपरी 
*  ह्याच रस्त्याने पुढे लोणावळ्याला जाता येते (पिंपरी - भांबर्डे - कोराईगड -लोणावळा )


आसपासचा परिसर:
* ताम्हिणी(६ किमी), कैलासगड, घनगड, तैलबैला   


---BinaryBandya™  



१४ टिप्पण्या:

  1. atishay sundar photo, yetya ravivarich janar dhanyavaad!!!!!

    Guru

    उत्तर द्याहटवा
  2. ह्म्म्म ...जळवायचा मक्ताच घेतला की तुम्ही राव ?! :)
    सुंदर. फोटो सुंदर आणि वर्णन पण छान. :)

    उत्तर द्याहटवा
  3. @गुरु : नक्कीच जा
    @अनघा : धन्यवाद ..
    तुम्हाला आता पावसाळाभर अशाच पोस्ट वाचायला मिळतील :)

    उत्तर द्याहटवा
  4. U gotta Friend Named Lekha ....
    Sometimes ask her even , She wil hold U next to God for Letting her Experience Heaven on Earth .... :o

    उत्तर द्याहटवा
  5. पुण्यापासून अंदाजे ७० किमी आहे
    @गौरव : धन्यवाद

    मित्रांनो ब्लॉगवर स्वागत

    उत्तर द्याहटवा
  6. Thanx a lot for suggesting an excellent spot . I will suggest this spot to true nature lovers and trekkers only.

    उत्तर द्याहटवा
  7. Vary nice. I would like to be a part of some of your treks

    Suhas Yalgude

    9822441716

    उत्तर द्याहटवा
  8. सहीये रे... मी माझ्या मित्रांना ह्या ठिकाणाबद्दल सांगेन...

    उत्तर द्याहटवा
  9. my village near by kailasgad any frnd visiting to kailasgad pimpri dam call Me Ajit Margale 8806553500

    उत्तर द्याहटवा